مملكة الغموض
’,، أهلاً .. وسهلاً .. ,’،

,’، ((اخي الزائر الكريم اختي الزائرة الكريمة )) ,’،

,’، نحن سعداء بتشريفك لمنتدانا منتدى مملكة الغموض
’,، فأهلاً بك عطْراً فوَّاحاً ينثرُ شذاه في كلِّ الأَرجاء ,’،
,’، وأهلاً بك قلماً راقياً وفكراً واعياً نشتاقُ لنزفه ’,،
’,، وكلنا أملٌ بأن تجد هنا ,’،
,’، مايسعدك ويطَيِّب خاطرك ’,،
نتمنى ان تتشرف بالتسجيل معنا
’,، فِي إنْتظَارِ هطولِ سحابة إبداعك ,’،
,’، نتمنى لَك التوفيق ومزيداً من التوهج ’,،
’,، تَحيّاتِي وَتَقْديرِي ,’،

مملكة الغموض


 
الرئيسيةالبوابةبحـثالتسجيلدخول
عزيزي الزائر الكريم ;عزيزتي الزائرة الكريمة;حللت أهلا ووطنت سهلا;مرحبا بك بين إخوانك و أخواتك زيارتك تسرنا وغيابك يضرنا ومشاركتك معنا تشرفنا إن شاء الله تستمتع(ي) و تفيد(ي) وتستفيد(ي) معنا نحن بانتظار مشاركتك معنا الى ذلك الحين نحن سعداء بتواجدك معنا♥️ •*´¨`*•.¸¸.•*´¨`*• منتدى مملكة الغموض •*´¨`*•.¸¸.•*´¨`*• لقد تم تعديل المنتدى وإضافة بعض اللمسات عليه ونتمنى ان تشاركوا في تطويره عن طريق مساهماتكم القيمة •*´¨`*•.¸¸.•*´¨`*• منتدى مملكة الغموض •*´¨`*•.¸¸.•*´¨`*•يمكن للزوار الكرام المشاركة بطلباتهم واقتراحاتهم في بعض أقسام المنتدى •*´¨`*•.¸¸.•*´¨`*•منتدى مملكة الغموض•*´¨`*•.¸¸.•*´¨`*• منتدى مملكة الغموض منتدى شامل لكل المواضيع التي تهم المجتمع بكل الجوانب الدينية والصحية والفكرية وغيرها الكثير الكثير•*´¨`*•.¸¸.•*´¨`*•منتدى مملكة الغموض•*´¨`*•.¸¸.•*´¨`*•قريبا ان شاء الله سيتم إنشاء قسم جديد خاص بالأناشيد •*´¨`*•.¸¸.•*´¨`*• منتدى مملكة الغموض•*´¨`*•.¸¸.•*´¨`*• لا تستطيع إدارة المنتدى مراقبة جميع المشاركات اليومية وعليه ففي حالة ما إذا وجدتم أي مخالفة داخل أقسام المنتدى فرجاءا قوموا بإبلاغ الإدارة مباشرة•*´¨`*•.¸¸.•*´¨`*• منتدى مملكة الغموض•*´¨`*•.¸¸.•*´¨`*• تسمح لكم إدارة منتدى مملكة الغموض بالتسجيل في المنتدى والمساهمة فيه بكل حرية في إطار الاحترام الشامل وفي حالة ما إن لم يعجبكم الوضع يمكنكم مراسلة الإدارة مباشرة لإلغاء العضوية في حين تظل عضويتكم ثابتة في حالة ما إن شملنا تطلعاتكم ونال المنتدى بجل أقسامه إعجابكم وهذا ما نتمناه حقا •*´¨`*•.¸¸.•*´¨`*• منتدى مملكة الغموض •*´¨`*•.¸¸.•*´¨`*• سبحان الله وبحمده سبحان الله العظيم

شاطر | 
 

 امثال مغربية

اذهب الى الأسفل 
كاتب الموضوعرسالة
Mysteriousa nouzacosta
الادارة العامة
الادارة العامة
avatar

انثى
عدد المساهمات : 188
تاريخ التسجيل : 20/02/2011

مُساهمةموضوع: امثال مغربية   الأربعاء مارس 30, 2011 7:49 am

النهار المبارك عليك واحد يغديك و واحد يعشيك و النهار الصكع عليك واحد يدعيك و واحد يشهد فيك
* التاجر الا طلب لولاد كيجيه غير الريال و المسكين الا طلب الريال كيجيوه لعيال
* المزغوب حتى ليلة عرسو قصيرة
* الرزق قليل و طاحت فيه دبانة
* منديل صفية جيت نمسح فيه مسح فيا
* اللي تطوف ما تغزل الصوف
* انت مير و انا مير شكون يصوك هاد لحمير
* للا مليحة و زادتها ترويحة
* لا مزيانة للمنضر لا خفيفة كتسخر
* انا نشكيلو بالعكر و هو كيقول لي اش خبار الدراري
* حلفات العروسة ما تحب الحماة حتى تبياض الفحمة
* اللي شفتيها بسعدها عرفها كتكمل من عندها
* الدليل فالرجال هو اللي كيعطي الضحك لجار و الهم لدار
*الله يلعن كاس البلار اللي نشرب فيه المرار
* مول الطاحونة و السانية و المرا التانية حتى ليلة ما يباتها هانية
* خايبة و تنوس و لا غزالة و تهوس
* اعمى بن اعمى لي كيشوف الغيام فالسما و كيدير حيكو فالما
* قوت التقرقيب وقلة النقيب
* اللي عندو الزعفران بزاف كيديرو حتى فالبابوش
* عيني فيه و ما قديت عليه
* شي فالحلقوم شي تيقولو قوم
* مشات تيجب القزبر جات حاملة ب سبع الشهر
* المذبوحة كتضحك على المسلوخة .جات مقطوعة الراس قالت الله ينجينا من هاذ الناس
* العقبة ف وجه لحباب حدورة
* كل ما لعبت المعزة فقرون الجبال كتخلصو فدار الدباغ
* الحجلة الخفيفة من سعد الصياد
* فولة ما دير بيصار و فارس ما ينوض غبار
* سيدي حادق و لالا احدق منو ، سيدي احسابو القديد و لالا كتقطع منو
* غرزة زايدة فيا و هم لعرى فايت في
* اللي حب الخدم، لا بد يندم، لا سيفة زينة لا قلب مسلم
* العِيبْ ماشي على من حرث في السطح العيب لي فالموت وكاي يشطح
* انا تنكول لحبيبي وحبيبي تايقول لحبيبو وكلامي فين مامشيت نصيبو
* مَشْتَاقْ السَرْوالْ كُلُ سَاعَة يْحَلُو
* الحنة حرشة و الحناية عمشة و العروسة فيها بو تفتاف
* السوق حامي والدّْلاَّلْ رامي والشاري عْوْرْ
* كال لو آش المعمول يا قاضي فعيشه، كال لو طلقها وانا ناخدها
* كَالُو لَلْحَمْقَة زَغْرْتِي، كَالْتْ لِيهُمْ الدَّارْ ضَيْقَة
* يجي لك يوم ياناكر خيري يوريك زماني من زمان غيري
* الزين بحروفو جيبوه ليا نشوفوا
* ولد ضبع غير ضبع الى سخرتو يشري لخميرة يشري شمع
* شي فالضحك غرقان اشي فالهم حيران
* اليد اللي طعمتنا الحلال تيكونو ناسها قلال
* هاك ابوه رجليه جابوه
* ما بين اللقمة و الفم تيريد ويحكم
* الي ما قدرات تكون نجمة فالسما,تكون شمعة فالدار
* اللي اربحتيه تاكله و الدين باش تخلصو ؟
* رضينا بالهم والهم ما رضا بينا درناه عند راسنا صبح عند رجلينا
* حساب الشكارة الربح أو الخسارة
* عمر الشطاح ما كاينسى هزة الكتف.
* البخيل اللهم فرجلو ولا في النعالة
* إلى بغاوك بلا ما تشقى ويلا كرهوك ما تكتر نفقة
* الزين ف الدفلة وعروقها حارين
* الهم هم لحمار .أما القط كيتسارا سبع ديار
* اللبن والزبدة كانو خواتات ما فرقوهم غير لعيالات
* نديرو فالحفرة وما نسمع حسو فدار اخرى
* الباب المحلولة كتدخل الغول و الغولة
* دباز لحباب من العتبة للباب
* الي وصل بلاد غير بلادو خل الهم لولادو
* اللي بغا يدفع البلا يتوضأ للصلا.
* ما تقطع الواد حتى تبان حجارو وما تمشي في الليل حتى يطلع نهارو وما تصحب صديق حتى تعرف خبارو
* انا في همو كندادي وهو فتقلاع وتادي
* كون تصحابها تكتاب, من دق الباب
* اللي ما تيخيط كساتو, يطيب غذاتو, يحلب شاتوموتو خير من حياتو
* وجه الشارفة ما يخفى, ولو تحكو بالحلفة
* اللهم النعاس في البرد ولا ضيافة القرد
* ما تعرف العدو من الصديق غير فالشدة والضيق
* كلها وحالو وأحوال الناس شلا .واحد بغا المعقول وواحد بغا يتفلا
* خيط وفتق .إيوا لعشية شوف آش تنفق
* إيوا هاذي خياطة حمقة.فين المقص فين الحلقة؟
* قولوا الله يهديهم دارو الخير مع الناس ونساو واليدهم
* اللي فالبيضة عر من اللي فقص .واللي فالكرش مضا من المقص
* الخير عقبة والشر حدورة
* الحنة ما زاة فظفارها والخطاب جابو خبارها
* مولات الرجالة كتطمع فالهجالة
* كون ما كانو حوايج العطار ما فالنسا ما تختار.
* كوليني يا موكة حتى الطيور عافوني
* زلقت بيه رجليه طيح الباطل على البلغة
* الرزق لحلال صافي بحال لهلال
* حانوت غالي ولا حانوت خالي
* اللي ما عندو مال ديما وجهو مذبال
* اللي بغا يكبر شانو …………….يحرث مع قرانو
* العين صعيبة تتقتل الكسيبة وتخوي الزريبة
* دابا كلينا وشربنا ……ونسينا الحرابل باش سعينا
* دخانهم عمانا………..وطعامهم ما جانا
* حبوبة ف وجهي حكيتها سال دمها ………خليتها زاد همها
* المرا إلى شافت الشيب بحال النعجة إلى شافت الذي


صُوتُو عليكْ مايْتْعلّى

ما يْمْدْ لا يْدُّ ولا سلاّ

يْزرع لحياتُو وِياكلْ الغْلاّ

إيه ديما كاتْرشِّي وْالِّدير لْعْلاّ

وِعيشْ حياتُو كايْ تفلاّ حروف وصوت

-------------------------------

كٌّالُوا سْيادْنا اللْوَالاَ

اللِّي فاتْكْ بْلِيلة،فاتْكْ بْحِيلَة

إلهام زادتْ

كايْنْ بْنادْمْ اللِّي فاتْكْ بْ آلْفْ لِيلَة أُو لِيلة

أمَّا الحِيلة كَ الدُّوزْ عْلى عينُو صْحِيحة أُو طْويلَة

الناس تْجْري ف حَرْ الزْمانْ أو هو كَيْقَلَّبْ عَلْ الظْلِيلة

-------------------------------------
كل واحد فينا أو باشْ موَلّفْ

كاين اللِّي لقى النميمة فاشْ إيتلّفْ

كاين اللِّي فاتْ جهدو وِيْ تكلّفْ

كاينْ اللِّي بْ الشِّيكِي ديما مغلّفْ

كاينْ اللِّي ناعس هانِي وِقيّلْ يْتْسلّفْ

والمعقولْ والدغرِي الزمان فيه محلّفْ
------------------------------------------------


خفتْ على راسِي من الرِّيح أو غطِّيتُو

ماجْبْتهاشْ فْ راسِي ولا سطِّيتُو

الدِّيتْها فْ راسِي أو من الخوى حضيتُو

هزِّيتْ بْراسي..درتْ لو النفسْ أو علِّيتُو

خفتْ على راسي أو بْ الخوف نجِّيتُو

-----------------------------------------------


ضحكتْ مزيانْوْ الضحكْ تَلَّفْنِي

ملِّي عرفْ نقطة ضُعفِي قالِّي سلَّفْنِي

بْناقْصْ من الضحكة إلى كانتْ جِيبِي تْكَلَّفنِي

------------------------------------------------

الخوخْ كلُّو دوا واخّا راسُو مثقوبْ


ماتْشُوفْ الجوا ولا الراس المغلُوبْ

ما تْبَعْ لْخوا وْترْمِي لسانكْ فْ الدنُوبْ

العقل زينْ واخّا الراسْ عامر حْبُوبْ

-------------------------------------------------

دارْ لْ الناس عْراضَة حْسْنْ مْنْ دارُو

باشْ يْفْقَصْ وِيْقْلِي السم لْ جارُو

أوهو فْ الدْيُوناتْ ماجابْ حدْ خْبارُو

مْرَاتُو تْعْثْرْ فْ التَكْشِيطة بْ مليون

وْلْدُو غادِي وِهْزْ سْرْوالُو كِ المجنُونْ

الحَلاقَة فْ وْدْنُو أو مْعَلَّقْ لْهايْتْ عَصر الفنون

شَعْرُو ي ْخَنْزْرْ فيكْ، خارج عل المضمون

وْ المَعْرُوضِينْ فْ التْبَرْكْيكْ يْغَنِّيوْا الملحُونْ

شرح

لْهَّايْتْ عصْر الفُنونْ

يقْصِدُ بِها البُّورْطابْلْ

وَ اللَّهَّايَة أَوْ السْكَّاتَة…. دْيالْ الدْرارِي الصغارْ

-------------------------------------------------

باعوا الدَّارْ الواسْعة والْمنقُوشة القْدِيمة

أو سْكْنُوا فْ صندوقْ من الصنادق الزِينة

دْكْوا وْتَادْهُمْ فْ قْفْزْ بْعِيدْ أو هجْرُوا الخِيمة

خْتارُوا شارع واسع باشْ إيبَانُوا وسط المدِينة

لاحُوا أصْلْ بَّاهُمْ أو شَبْعُوا مْنْ بْزُّولة المِّيمة

شْراوْا النْصارى الرِّياضْ أو فْ آثاراتْنا التَّرْزِينا

----------------------------------------------------

يْكْذبْ عليكْ الكذّابْ


اللِّي يْتْظاهْرْ بالفرحة الدّايمة


اللِّي بيّنْ سماهْ صافية ماهي غايْمة

يكذبْ عليكْ الكذّابْ

اللِّي زوَّقْ عِينُو…أو هيّ فْ الدموعْ عايمة

اللِّي قولْ مرتاحْ…وْ جفانُوا ماهي نايْمة


اللي يْضحك عل الحب…وْ روحو عل الغرام صايمة

يكذْبْ عليكْ الكذّاب

اللِّي قول شبعان…أو نفسو عل الخبزة حايْمة

-----------------------------------------------------


مالك يا لسانِي هاز الهضرة تْكمّشْ وْ تدْرْسْ


والمنَمَّمْ تابعكْ يلحس أو بلسانُو فيها يْغرسْ

ي حصدْها جيعانْ الإيمانْ أو فيها يْقيّلْ يْفْرسْ

-----------------------------------------------------


إلى مشاتْ حتّى كثْرتْ عليكْ الفهامة


الطيّحْ سوالف الليل بْ نهار عل الغمامة

وِ بْداوْا كشاكْشْ الغظبْ إنطْحُوا الزعامة

----------------------------------------------------

خلِّيكْ فْ هواكْ خلِّيكْ


دابا الوقتْ الدُّورْ وْتْورِّيكْ

اللي يْكرْهْكْ وْاللِّي يبْغِيكْ

---------------------------------------------------

غمَّسْتْ لسانِي فْ الكذُوبْ


بْشْدُوقا سايْلِينْ بكثرة الذنُوبْ

بْدِيتْ نوَكّلْ الرّاسْ المغلوبْ

ونزِيدْ نْقَوّسْ ضهرُو المكبُوب


---------------------------------------------------

المعقُول راسُو مسكين منتُوفْ



مللِّي يْنصحك تجاوْبُو بْ أوفْ

--------------------------------------------------


العقل المنوّرْ.. البق مايْ قرّبْ ليه ولايْ مسُّو

والعقل المظلامْ يْتجمعْ عليه أو دَمُّو يْ مصُّو


---------------------------------------------------


منقول من الاخت إلهام شريفة بُصفَا



[quote]
الرجوع الى أعلى الصفحة اذهب الى الأسفل
http://nouzacosta.ahlamontada.com
 
امثال مغربية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مملكة الغموض :: قسم ملوك الترفيه :: الغاز ونكت-
انتقل الى: